Россиянинг "Группа Рикор" компанияси томонидан ишлаб чиқилган БИОС тизими мамлакатнинг маҳаллий дастурий таъминот реэстридан чиқарилди. КНевс хабарига кўра, ушбу қарор Рақамли ривожланиш вазирлиги топшириғига биноан қабул қилинган. Расмий сабаб сифатида реэстрдаги маълумотларнинг эскиргани ва ҳуқуқ эгаси томонидан янгиланган маълумотлар тақдим этилмагани кўрсатилган. Бу ҳақда Ixbt.com хабар беради.
"Рикор" ўзининг илк маҳаллий БИОС тизимини 2018-йилда эълон қилган ва 2023-йилда уни реэстрга киритган эди. Дастурий таъминот УEФИ спецификацияларига тўлиқ мос келиши ҳамда AMD ва Intel архитектурасидаги компьютерлар ва серверлар учун мўлжаллангани айтилганди. Бироқ компания вакиллари ҳозирда ушбу БИОС долзарблигини йўқотганини ва янги лойиҳалар устида ишлаётганини маълум қилди.
Мутахассисларнинг фикрича, бу ҳолат ягона эмас. Ҳозирда реэстрда ўнлаб маҳаллий БИОС тизимлари мавжуд, бироқ уларнинг аксарияти хорижий кодлар, хусусан, АМИ асосида яратилган. Рақамли ривожланиш вазирлиги 2026-йилда талабларни кучайтириб, аудит ўтказишни бошлади. Натижада, хорижий кодларни фақат минимал даражада ўзгартирган компанияларнинг маҳсулотлари реэстрдан чиқарилиши кутилмоқда.
Саноатдаги манбаларга кўра, фақат бир нечта компания, жумладан ОпенЯрд, Фплус ва "Ростелеком" ўзларининг оригинал БИОС кодларини ёзишга муваффақ бўлган. Келгусида вазирлик томонидан ўтказилаётган текширувлар натижасида реэстр тозаланиб, фақат ҳақиқий маҳаллий ишланмалар қолдирилиши режалаштирилган.
“Zamin”ни Telegram'да ўқинг!
