Tesla Cybertruck ilk bor davlat darajasidagi rasmiy xavfsizlik operatsiyalarida sinovdan oʻtkazildi. Qozogʻiston Turkistonda boʻlib oʻtgan Turkiy davlatlar tashkiloti sammiti vaqtida ushbu elektr pikaplardan mobil qoʻmondonlik-shtab mashinasi sifatida foydalandi. Bu haqda Ixbt.com xabar beradi.
Davlat qoʻriqlash xizmati xodimlari Cybertruck avtomobillarini tadbir xavfsizligini taʼminlash tizimiga integratsiya qildi. Mashinalar aloqa, muvofiqlashtirish va tezkor javob qaytarish vazifalarini bajarib, sammit ishtirokchilari boʻlgan davlat rahbarlari uchun xavfsiz muhit yaratishga koʻmaklashdi.
Mutaxassislarning taʼkidlashicha, Cybertruck tanlanishiga uning texnik imkoniyatlari sabab boʻlgan. Elektr dvigatelining shovqinsiz ishlashi yashirin harakatlanish uchun qulay boʻlsa, yuqori quvvatli akkumulyator tizimi dala sharoitida maxsus jihozlarni uzluksiz energiya bilan taʼminlash imkonini beradi.
Ushbu holat Tesla uchun muhim voqea boʻlib, Cybertruckʼning fuqarolik bozoridan tashqari, davlat infratuzilmasi va xavfsizlik tizimlarida ham samarali qoʻllanilishi mumkinligini koʻrsatdi. Qozogʻistonning bu qadami mamlakat davlat xizmatlariga ekologik toza va zamonaviy texnologiyalarni joriy etish strategiyasining bir qismidir.
“Zamin”ni Telegramʻda oʻqing!
