Domodedovo aeroportini 132 mlrd rublga sotish bo‘yicha elektron savdolar o‘tkazilmadi. Bu haqda RBK xabar bermoqda.
Nashr ma’lumotlariga ko‘ra, auksionga yakka tartibdagi tadbirkor Yevgeniy Bogatiydan faqat bitta ariza kelib tushgan. Komissiya erkakni savdoga qo‘ymadi, chunki u barcha hujjatlarni taqdim etmagan.
2025-yil iyun oyida Domodedovo aeroporti Moskva viloyati Arbitraj sudi qarori bilan davlat mulkiga o‘tkazildi. Sud aeroport benefitsiarlari boshqa davlatlar (Turkiya, BAA va Isroil) rezidentlari bo‘la turib, mamlakat uchun strategik aktivlarga egalik qilganliklarini va foydani chet elga olib chiqib ketganliklarini tan oldi, bu esa Rossiya Federatsiyasi qonunchiligini buzadi.
O‘tgan yil oxirida Rossiya moliya vaziri Anton Siluanov Domodedovani xususiylashtirish bo‘yicha auksion 2026-yil boshida bo‘lib o‘tishini, potensial investorlar topilganini aytgandi. Yanvar oyi o‘rtalarida Domodedovo 132 milliard rublga "Avito"ga sotuvga qo‘yildi.
“Zamin”ni Telegramʻda oʻqing!
