2025 yil noyabr oyida dunyo bo‘yicha aviayo‘lovchilar oqimi 5,7 foizga ko‘paydi. Xalqaro havo transporti assotsiatsiyasi (IATA) maʼlumotiga ko‘ra, samolyotlarning o‘rindiq bandligi rekord darajaga — 83,7 foizga yetdi. Bu haqda kursiv.uz xabar beradi.
O‘sishning asosiy qismi xalqaro qatnovlar hisobiga to‘g‘ri keldi: ularning hajmi 7,7 foizga kengaydi. Ichki reyslarda esa ko‘rsatkich 2,7 foizga oshdi. Yo‘lovchi talabi eng tez surʼatda Afrikada o‘sdi. Ichki bozorlarda Braziliya (+9 foiz) va Hindiston (+8 foiz) eng yuqori dinamikani qayd etdi, AQSh ichki reyslarida esa 1–2 foiz atrofida pasayish kuzatildi.
Yuk tashish segmenti ham ijobiy natija ko‘rsatdi: global talab 5,5 foizga oshdi, xalqaro yuk tashuvlari esa 6,9 foizga ko‘tarildi. Eng katta o‘sish Afrika aviakompaniyalarida (+15,6 foiz) hamda Osiyo-Tinch okeani mintaqasida (+10,3 foiz) qayd etildi. Shu bilan birga, talab Shimoliy Amerikada (-1,6 foiz) va Lotin Amerikasida (-4,8 foiz) kamaydi.
“Zamin”ni Telegramʻda oʻqing!
