Bugun, 30 mart kuni Quyoshda oxirgi ikki oy ichida ilk bor eng yuqori darajadagi chaqiriq yuz berdi. Bu haqda Rossiya Fanlar akademiyasi Kosmik tadqiqotlar institutining Quyosh astronomiyasi laboratoriyasi xabar tarqatdi.
Laboratoriya ma’lumotiga ko‘ra, “X darajali (eng yuqori ball) chaqnash” sodir bo‘lgan. Bu 2026 yil 4 fevraldan beri, ya’ni qariyb ikki oy ichida kuzatilgan birinchi shunday voqeadir.
Hodisa 28 mart kuni kuzatilgan plazma chiqindisidan keyin Quyoshda yuz bergan ikkinchi muhim voqeadir. Yangi otilgan plazma buluti allaqachon kosmosdagi teleskoplar orqali ko‘rinmoqda. Hisob-kitoblarga ko‘ra, plazma bulutining asosiy qismi chetga yo‘nalgan, ammo uning ayrim chetgi qismlari Yerga ta’sir etishi ehtimoldan xoli emas.
Avvalroq laboratoriya eslatganidek, Quyoshdagi yirik plazma otilishi yarim asrdan ziyod vaqtdan beri rejalashtirilgan Oy missiyasiga ta’sir ko‘rsatishi mumkin. NASA'ning Artemis II missiyasi 1 aprelda boshlanishi kerak. Ushbu missiyada to‘rt nafar fazogir Oyning orqa tomonini bosmay aylanib o‘tadi va Yerga qaytib keladi. Bu 1972 yildan keyin sputnikka amalga oshirilayotgan ilk nazoratli parvozdir. Missiya taxminan o‘n kun davom etadi.
