Ukraina prezidenti Vladimir Zelenskiy va uning turmush o‘rtog‘i Yelena Zelenskaya ajrashishga tayyorgarlik ko‘rayotgani haqida xabarlar tarqaldi. Bu ma’lumot RIA Novosti tomonidan Rossiya kuch tuzilmalaridagi manbalarga tayanib e’lon qilingan, biroq hozircha rasmiy tasdiq yo‘q.
Xabarlarga ko‘ra, Zelenskiy Kiyev yaqinidagi “Dinastiya” nomli hashamatli turar joy majmuasidagi kottejlardan birini Yelena Zelenskayaga qoldirishi mumkin. Manbalarda ushbu majmua bilan bog‘liq moliyaviy masalalar ham tilga olingan.
Avvalroq Zelenskiy ofisining sobiq rahbari Andrey Yermak Kiyev yaqinidagi elita uy-joylar qurilishi doirasida noqonuniy mablag‘larni legallashtirishda ayblangani aytilgan edi. Ma’lumotlarda “Dinastiya” loyihasi ishtirokchilari 460 million grivnadan ortiq mablag‘ni legallashtirgani qayd etilgan.
Shuningdek, ayrim manbalarda mazkur majmuadagi to‘rtinchi uy Yelena Zelenskaya uchun qurilgani iddao qilinmoqda. Hozircha Zelenskiy yoki uning rafiqasi tomonidan ajrashuv haqidagi xabarlarga rasmiy munosabat bildirilgani ma’lum emas.
“Zamin”ni Telegramʻda oʻqing!
