“Lasetti”da yurib, avtobusda yurishimga kulyapsanmi? Avtobusning narxi “Lasetti”nikidan necha baravar qimmatligini bilasanmi, o‘zi xumpar?!
***
— Bo‘riyev, bugun yozma ishni sherigingdan ko‘chirganingni ko‘rmayman, degan umiddaman.
— Men ham umid qilaman.
***
Bolam bilan o‘tirib turing, deyish — noto‘g‘ri. U bilan o‘ynash, yugurish, chopish, o‘tirishning sirayam iloji yo‘q.
***
Taqdirdan nolima, uyam sen bilan mazza qilmayotgandir?!
***
Dangasalik — oldindan dam olishga odatlanish.
***
— To‘rt oyoqli do‘stingiz bormi?
— Bor. Karavot
***
Qiz 18 yoshda bo‘lib, 30ta qishni ko‘rgandi…
***
Sensorli telefonlarni ko‘rishga ko‘zim yo‘q. Pashshalar tanishlarimga qo‘ng‘iroq qilib qo‘yishyapti…
***
— Qani, bolajonlar, buvijonisiga kim nima ovqat buyuradi?!
— Buvijon, menga jingalak makaron pishirib bering?
***
Xotin eridan arazladi:
— Siz bilan hech qayoqqa bormayman.
— Unda nega yasanib, bo‘yanib olding?
— Siz bilan shunchalar chiroyli ayol hech qayoqqa bormaganini bilib qo‘yishingiz uchun!
***
— Otang poyafzal ta’mirlovchi-ku, nega botinkang yirtiq? — dashnom berdi Sobir do‘stiga.
— Nima bo‘pti? — jahli chiqdi do‘stining ham. — Dadang tish do‘xtiri bo‘lsayam, singlingni atigi 3ta tishi bor-ku?!
***
— Kecha bezorilar tutib olib, hamyonim, soatim va telefonimni olib qo‘yishdi.
— Boks chempioni medaling bor, shekilli?
— Ha, bor. Hayriyat, uni topisholmadi.
***
— Yaxshi qiz, sizga biror kishi “chiroylisiz” deb aytganmi?
— Yo‘q.
— Tavba, odamlar judayam rostgo‘y bo‘lib ketishgan-a?!
***
— Dada, toshbaqalar nega bunaqa sekin yurishadi?
— Ular 300 yil yashashadi. Shoshib nima qilishsin, hammasiga ulgurishadi.
***
Parhezdamisan? Unda shu qoidani unutma: “Qorning ochdimi, olma ye, olma yeging kelmayaptimi, demak, qorning ochmagan!”
***
Ayol — misoli teatr! Bugun — komediya, ertaga — tragediya, indiniga… gastrol safari!
***
Kamtarligim haqida soatlab gapirishim mumkin.
***
— Pul — tashvish!
— Bo‘lishi mumkin emas, tashvish bunaqa tez yo‘qolmaydi.
***
— Qo‘shni, musiqangizni o‘chiring, iltimos, uyimda mehmonlar bor edi…
— Nima mehmonlar, uyquga yotishyaptimi?
— Yo‘q, siznikiga raqs tushishga chiqamiz, deb qo‘yishmayapti.
***
Ikki yigit suhbatidan:
— Yaqinda bir oydan beri internetda yozishayotgan qizim bilan uchrashdim.
— Qalay ekan?
— Fotoshop ishlashdagi mahoratiga tan berdim!
***
Ayolga yoqishning eng arzon usuli — unga qimmatbaho sovg‘alar berish.
***
— Rostini ayting, dadasi, men o‘lsam, boshqa uylanasizmi?
— Xotirjam bo‘l, uylanmayman.
— Bo‘lishi mumkin emas!
— Bo‘lishi mumkin. Sendan yaxshisini topa olishim gumon… Senga o‘xshaganiga esa o‘zim uylanmayman!
Dildora NAZAROVA tayyorladi.
Manba: tasvir.uz “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Zoir Mirzayev “Telefonsiz maktab”ga 300 mln so‘m mukofot berdi
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Germaniyada maktab o‘quvchilari ommaviy ravishda islom dinini qabul qilmoqda
Rossiya dunyodagi birinchi vodorod yoqilg‘ili avtomobilni taqdim etdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
