2025 yil 24 noyabr kuni Pirogov universiteti klinik psixologi Yelizaveta Kulikova tomonidan mushuk boqish va shizofreniya rivojlanish xavfi o‘rtasida bog‘liqlik aniqlanganini universitet matbuot xizmati xabar berdi. Tadqiqotga ko‘ra, mushuk egalarida bu kasallikka chalinish xavfi boshqa uy hayvonlari egalari bilan solishtirganda ikki barobar yuqori bo‘lishi mumkin.
Sabab sifatida mushuklardan insonga yuqadigan Toxoplasma gondii paraziti ko‘rsatilmoqda. Statistikaga ko‘ra, mushuk egalari orasida toksoplazma tashuvchilari 70% gacha bo‘lishi mumkin.
Kulikovaning ta’kidlashicha, zararlangan hayvon bilan aloqa toksoplazmozga olib kelishi mumkin, bu esa mushaklar, yurak, miya va ko‘zlarda kistalar hosil qilishiga sabab bo‘ladi. Miya zararlanganda yallig‘lanish yuzaga keladi, bu esa neyrotransmitter jarayonlariga, jumladan, dofamin tizimiga ta’sir ko‘rsatadi.
Toksoplazmoz dofamin darajasini o‘zgartib, ruhiy kasalliklar rivojlanish ehtimolini oshirishi mumkin. Shuningdek, infeksiyaga qarshi yallig‘lanish jarayonida hosil bo‘ladigan antitanachalar ham shizofreniya xavfini oshiruvchi omil bo‘lishi mumkin.
Tadqiqot mushuklarning egalariga hissiy holati va xulq-atvoriga bilmasdan ta’sir ko‘rsatishini ham ko‘rsatdi. Mutaxassislar psixik jihatdan zaif odamlarda mushuklar asabiy buzilishlarni keltirib chiqaruvchi omilga aylanishi mumkinligini ta’kidlashmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
