O‘zbekiston Respublikasi Prezidentining 2025 yil 28 martdagi "Qishloq xo‘jaligida yerdan foydalanish samaradorligini oshirish va mahsulot yetishtirish hajmini ko‘paytirish bo‘yicha qo‘shimcha chora-tadbirlar to‘g‘risida"gi PQ-131 sonli qaroriga muvofiq, surunkali ravishda soliq qarzdorligini to‘lamayotgan fermer xo‘jaliklariga yer ijara huquqlari qayta ko‘rib chiqilishi yuzasidan o‘tkazilgan chora-tadbirlar o‘z samarasini bermoqda.
Jumladan, 2025 yilda majburiy ijro byurosi Yozyovon tuman bo‘limi tomonidan olib borilgan ijro harakatlari davomida ish yurituvida bo‘lgan 6682 ta ijro hujjatlari bo‘yicha 2763 ta fermer xo‘jaliklari hamda jismoniy shaxslardan 28 mlrd. 714 mln. so‘m soliq qarzlari undirilishiga erishilgan.
Shu bilan birga, qarzdorlikni ixtiyoriy ravishda bartaraf etmagan, boshqa mulklari va mulkiy huquqlari bo‘lmagan 5 ta qarzdor fermer xo‘jaliklarining yer uchastkalariga bo‘lgan ijara huquqlari xatlanib, jami 5 mlrd. 453 mln. boshlang‘ich narxda elektron onlayn-auksion savdolariga chiqarildi. Bu borada ijro harakatlari davom etmoqda.
“Zamin”ni Telegramʻda oʻqing!
