Toshkent shahar hokimiyati 27 dekabr kuni navbatdagi Qorbobo paradi tashkil etilishini ma’lum qildi. Tadbir soat 19:00 da Alisher Navoiy nomidagi kutubxona yonidagi mamlakatning bosh archasi oldidan boshlanadi. Bu haqda kursiv.uz beradi.
Parad dasturiga ko‘ra, ishtirokchilar soat 20:30 da Magic City hududida, 21:30 da esa Tashkent City bog‘idagi Tashkent City Mall oldida chiqishlarni davom ettiradi. Shahar ma’muriyatining bildirishicha, Qorbobo obrazida Milliy gvardiya orkestri musiqachilari sahnaga chiqadi.
Eslatib o‘tamiz, avvalgi parad juma kuni, 26 dekabrda o‘tkazilgan bo‘lib, u Amir Temur maydoni va shaharning boshqa manzillarida ham bo‘lib o‘tgan. Tadbirdan so‘ng hokimiyat foto va videolarni e’lon qilgan.
Shuningdek, Yangi yil munosabati bilan O‘zbekiston aholisi ketma-ket besh kun — 31 dekabrdan 4 yanvargacha dam oladi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
