Bandixonda “Cobalt” avtomashinasi xatlandi

Hozirgi paytda dunyoning ko‘plab rivojlangan davlatlarida soliqlarni to‘lamaslik, haqiqiy daromadni yashirish jinoyat sifatida baholanishi barobarida davlat mulkini o‘zlashtirganlikda ayblanib, hattoki o‘z xalqiga xiyonat qilganlik darajasida ayblanashi ayni haqiqat. Shuning uchun ham har bir fuqaroning davlat oldidagi birinchi vazifalaridan biri soliqlarni o‘z vaqtida to‘lash hisoblanadi.

Surxondaryo viloyati davlat soliq boshqarmasining 18.08.2020 yildagi qaroriga asosan qarzdor “Jaxongir” xususiy kichik korxonasi xisobidan Davlat solik inspeksiyasi foydasiga 30 million 438 ming so‘m soliq qarzini undirish to‘g‘irisidagi karori Majburiy ijro byurosining Bandixon tuman bo‘limi ish yurituviga kelib tushgan va ijro harakatlariga kirishilgan.

Byuroning Bandixon tuman bo‘limi tomonidan “Jaxongir” xususiy kichik korxonasi raxbari bir necha marotaba rasmiy ogoxlantirilishiga qaramasdan ijro hujjatining ijrosini ta’minlashdan, ya’ni solik karzdorligini to‘lashdan bo‘yin tovlab kelganligi uchun korxonaning raxbariga nisbatan eng kam oylik ish xakining 10 barobari miqdorida ma’muriy jarimasi qo‘llanildi.

Shuningdek, qarzdor korxonaning mol-mulklari urganilganda “Cobalt” rusumli avtomashinasi borligi aniklanib, ushbu avtomashina xatlovga olindi. Shundan so‘ng, mas’ulyatni tushunib yetgan korxona raxbari soliq qarzdorligini hamda qo‘llanilgan ma’muriy jarimani to‘liq to‘lab berdi va avtomashinasi qaytarib berildi. “Zamin” yangiliklarini “Vkontakti”da kuzatib boring