Kadr: UzReport
Hozir keskin va jiddiy karantin choralarini tiklashga asos bo‘ladigan holat emas. Bu haqda AOKAda o‘tgan brifingda Koronavirusga qarshi kurash shtabi a’zosi Nurmat Otabekov ma’lum qildi.
- "Birinchidan, hurmatli yurtdoshlar, hozir aynan o‘sha keskin jiddiy karantin choralarini tiklashga asos bo‘ladigan holat emas. Shunday bo‘lsa-da, ehtiyot choralarimizni ko‘rib qo‘yishimiz kerak. So‘nggi 3 oyda kasallanish past darajada bo‘lib keldi, ozgina xotirjamlikka berilganimiz rost. Endilikda karantin tadbirlarini kuchaytiradigan bo‘lsak, avvalgilaridan farq qiladi.
Vaziyatning nechog‘lik murakkablashib ketishi o‘zimizga bog‘liq. O‘tgan yilda koronavirusga laboratorik va klinik tashxis qo‘yish, davolash, tarqalishining oldini olish choralarini to‘liq bilmasdik. Hozirgi kunga kelib, biz deylik, tibbiyot tizimi, ham aholi koronavirus xavfini yaxshi tushunib oldi va undan himoyalanish choralarini ham yaxshi bilamiz. Qolaversa, aholining ma’lum bir qismi ushbu kasallik bilan kasallanib o‘tdi, ularda immunitet shakllandi", - dedi Koronavirusga qarshi kurash shtabi a’zosi Nurmat Otabekov.
Mutaxassis endilikda chora-tadbirlar, talab etiladigan holatlar hammaning yodida ekanini, qaysidir darajada ogohlik va xushyorlik immuniteti shakllanganini aytgan. «Vaziyat bizni boshqarmasin, biz hozir vaziyatni boshqaryapmiz. Imkoniyatlarni ishga solish orqali uni boshqara olsak, chigallashib ketishiga yo‘l qo‘ymaymiz. Eng asosiysi vaziyat bizni boshqarishiga yo‘l qo‘ymaslik kerak», — deydi Otabekov.
Otabekov kasallanishning ortishi haddan ortiq bemalolgarchilikga berilish, kasallik yuqib qolishi mumkin degan havotirning yo‘qolishi, niqobda bo‘lish, ijtimoiy masofa saqlash, antiseptik vositalardan foydalanish va jamoat joylariga zarurat bo‘lmasa tashrif buyurmaslik kabi tavsiyalarga e’tiborsizlik ortib ketganiga bog‘liqligini qayd etdi.
Dam olish va sayr qilish istagida xorijiy davlatlarga borish, u yerlarda epidemik noxush hududlardan kelgan shaxslar bilan muloqotda bo‘lish COVID-19 infeksiyasi respublika hududiga olib kirilishiga sabab bo‘layotganini aytgan. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Eron prezidenti jiddiy bayonot berdi: «Isroildan hech narsa qolmaydi»
Ortiqcha vaznli insonlar uchun sog‘lom ovqatlanishning beshta muhim qoidasi
Qaysi kundalik odatlar immunitet pasayishiga olib kelishini bilasizmi?
Vladimir Putin «Krokus»da sodir etilgan terakt uchun o‘ch olishga chaqirdi
Sariqmi yoki yashil: qaysi turdagi banan foydaliroq?
Toshkentda 02 kodli avtoraqamlar taxminan qachon paydo bo‘lishi aytildi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
