O‘zaro bilvosita raqobatda bo‘lib kelayotgan zumerlar (2000 yillardan keyin tug‘ilganlar) va milleniallar (1980 yillar oxiri – 1990 yillar o‘rtasida tug‘ilganlar) orasidagi farqlar nafaqat kiyinish uslubi yoki gajet tanlashda, balki ular iste’mol qiladigan media-kontentda ham yaqqol namoyon bo‘lmoqda, deb yozmoqda Peopletalk.
Zumerlar va depressiya mavzusidagi seriallar
Psixolog Anna Glushnevaning ta’kidlashicha, zumerlar psixik salomatlik mavzusida ochiq muloqot qilib ulg‘aygan avlod. Ular uchun depressiya, xavotir, o‘zlikni qidirish kabi mavzular tabiiy va dolzarb. Shuning uchun ham ular «Эйфория», «Половое воспитание», «Оставленные» kabi seriallarga qiziqish bildirishadi — bu loyihalar yoshlar hayotidagi murakkab emotsional holatlarni, ichki iztiroblar va jamiyatdagi o‘rnini topish kabi muammolarni realistik tarzda yoritadi.
Zumerlar uchun serial — bu:
– Tushunish va o‘zini anglash vositasi;
– Ommaviy reprezentatsiya va hamdardlik hissi;
– Psixologik normallashuv vositasi.
«Zumerlar tajribasizligi tufayli ko‘p hollarda media orqali o‘z hissiyotlarini anglashga harakat qilishadi. Ular uchun real drama – bu hayotning o‘zi, shunga yaqin bo‘lgan seriallar esa qiziq va muhim», – deydi psixolog.
Milleniallar va multfilmlarga muhabbat
Milleniallar esa, aksincha, ko‘pincha yoshlikda ko‘rilgan, xotiralarga boy bo‘lgan multfilmlarga oshno. Ularning sevimli loyihalari orasida “Ну, погоди!”, “Простоквашино”, “Домовёнок Кузя”, “Шрек”, “Король Лев” kabi klassik va zamonaviy animatsiyalar bor. Milleniallar uchun multfilm — bu real hayot murakkabliklaridan vaqtincha qochish, bolalik xotiralari orqali taskin topish usuli.
Multfilmlar milleniallar uchun:
– O‘tmishni sog‘inish va xotiralar manbai;
– Eskapizm – hayot muammolaridan vaqtincha qochish;
– Bolalikning beg‘am tuyg‘ulariga yana bir bor qaytish.
«Ular yoshlik davrida psixologik muammolar keng muhokama qilinmagan muhitda o‘sishgan. Shuning uchun ham emotsional bosimdan qutulishning usullari boshqacha — ko‘proq quvonch, yumor, xotirjamlik izlashadi», – deydi Anna Glushneva.
“Zamin”ni Telegramʻda oʻqing!
