1-dekabr kuni KION onlayn-platformasida sakkiz qismli psixologik triller — "Tunnel" seriali premyerasi bo‘lib o‘tdi. Bu rejissor Flyuza Farxshatovaning yangi ishi bo‘lib, qish mavsumining eng kutilgan loyihalaridan biri sifatida tanildi.
Serialning markazida kurash, ichki sinov va shaxsiy tanlov haqidagi dramatik voqea joy olgan. Serialdagi bosh rollarni Elizaveta Boyarskaya va Sergey Gilev ijro etgan.
Voqea syujeti Svetlana Suvorova ismli halol va tamagirlikdan yiroq bo‘lgan bojxona xodimining hayoti atrofida kechadi. U yillar davomida tamoyillariga sodiq qolib, ko‘p narsa "aloqalar" orqali hal qilinadigan Snejninda ishlaydi.
Biroq, uning hayoti keskin o‘zgaradi: finlyandiyalik jinoyatchi uning turmush o‘rtog‘ini o‘g‘irlab ketadi. Uni qaytarish uchun Svetlana yillar davomida xizmat qilgan qonunni buzishga va hayot-mamot o‘yini boshlashga majbur bo‘ladi.
Serial qobiliyatli ssenaristlar guruhi tomonidan ishlab chiqilgan, yakuniy shaklini esa "Chik" seriali muallifi Nastyа Kuznetsova bergan. Bu nafaqat ayol kuchi va ichki o‘zgarishlar haqidagi hikoya, balki o‘zini anglash va haqiqiy ozodlikka erishish yo‘lidagi kurash haqida hamdir.
Serial qahramoni o‘z hayotini qayta ko‘rib chiqishga, ichki tayanch topishga va chinakam erkinlikni his qilishga muvaffaq bo‘ladi. Rejissor: Flyuza Farxshatova ("Xudo kompleksi", "Yurakni o‘g‘irlaganlar", "Erkaklar nima haqida gaplashmoqda.
Davomi"). Ssenaristlar: Nastyа Kuznetsova ("Chik"), Roman Jigalov.
Prodyuserlar: Teymur Jafarov, Maksim Filatov. Birinchi to‘rtta qism 1-dekabrda bir vaqtda chiqariladi, keyingi qismlar esa har hafta chorshanba kunlari namoyish etiladi.
Mehmon guruhidagi foydalanuvchilar ushbu nashrga izoh qoldira olmaydi.
