Jakarta yerida oʻqidim hayit,
Birdan yorishiblar ketdi-ku zulmat.
Atrofga termulib qaradim, na yurt,
Na elat bor edi... Hamma bir millat.
Koʻrdim va angladim -- bori odam teng:
Bir yonimda malay, bir yonimda hind.
Tushuna olmadim shundan keyin men,
Ne uchun moʻminlar yurgan yoʻli tund?!
Tushuna olmadim, qay mahal oʻzi
Yiroqlashib ketdik asriy nidodan,
Faqat hayitdami tan olmagimiz
Tarqaganimizni Odam Atodan?!
Tushuna olmadim, qay bir ehtiros,
Qachon bahonaga oʻtmakda yoʻq vaj,
Nega boshqachamiz tugagach namoz,
Nega oʻzgaramiz masjiddan chiqqach?!
Nega, nega, degan savollar bilan
Osmonni toʻldirdim alamlarimga
Birdan qaytib qoldim hayoti bilan
Namozi bir boʻlgan gul damlarimga
Va otashni koʻrdim yurakda yongan,
Tulporlar uyuri. Uxroviy najot.
Yetib kelganimni xayolan tongga,
Navoiy ilkida uygʻondi ijod.
Birdan koʻrib qoldim birdamlik otliq
Kemaga tikilgan yelkanlarini,
Moʻminlarning oʻzi anglab qoldilar
Nechogʻlik katta kuch ekanlarini.
Koʻhna orzulardan soʻyladi roviy,
Totdim ezgulikning noyob isini.
Sen ham bir onamsan endi uxroviy,
Jakarta tuprogʻi, hidladim seni.
Manba: Azon.uz “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Eron prezidenti jiddiy bayonot berdi: «Isroildan hech narsa qolmaydi»
Ortiqcha vaznli insonlar uchun sog‘lom ovqatlanishning beshta muhim qoidasi
Qaysi kundalik odatlar immunitet pasayishiga olib kelishini bilasizmi?
Vladimir Putin «Krokus»da sodir etilgan terakt uchun o‘ch olishga chaqirdi
Sariqmi yoki yashil: qaysi turdagi banan foydaliroq?
Toshkentda 02 kodli avtoraqamlar taxminan qachon paydo bo‘lishi aytildi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
