2026 yil 27 aprel holatiga ko'ra, Rossiyaning kirill alifbosidagi ".rf" milliy domenida ro'yxatdan o'tgan nomlar soni 800 941 taga yetdi. Yil boshidan buyon ushbu domen zonasi 22 039 taga ko'payib, 2,8 foizlik o'sishni qayd etdi. Bu haqda Ixbt.com xabar beradi.
Bu haqda ".ru" va ".rf" domenlari Muvofiqlashtirish markazi matbuot xizmati ma'lumot berdi.
Domen zonasining rivojlanish dinamikasi 2025-yilda ham barqaror bo'lgan edi. O'shanda domenlar soni 2,5 foizga oshib, 778 902 tani tashkil etgan.
Bir yil davomida 207 654 ta yangi nom ro'yxatga olingan bo'lib, bu 2024-yildagi ko'rsatkichdan sezilarli darajada yuqoridir.
Hozirda ".rf" domeniga 185 ta registrator va 341 mingdan ortiq administrator xizmat ko'rsatmoqda. Foydalanuvchilarning asosiy qismini, ya'ni 82 foizini jismoniy shaxslar tashkil etadi.
Domenlarning 96,2 foizi Rossiya tashkilotlari va fuqarolari tomonidan band qilingan. Hududlar kesimida Moskva, Sankt-Peterburg va Krasnodar o'lkasi yetakchilik qilmoqda.
Eslatib o'tamiz, ".rf" domeni 2010 yil 12-mayda ICANN korporatsiyasi tomonidan Rossiyaga berilgan va dunyodagi birinchi kirill alifbosidagi domen bo'lgan edi. 2025-yildan boshlab ushbu zonada Rossiya tarkibidagi respublikalarning 18 ta davlat tilidagi 26 ta harfni qo'llab-quvvatlash imkoniyati yaratildi.
“Zamin”ni Telegramʻda oʻqing!
