Toshkentning to'rtta tumanida 28 aprel kuni gaz o'chiriladi

Toshkent shahrining Yakkasaroy, Mirobod, Bektemir va Mirzo Ulug'bek tumanlaridagi ayrim hududlarda 28 aprel kuni tabiiy gaz ta'minoti vaqtincha to'xtatiladi. Bu haqda «Hududgaz Poytaxt» gaz ta'minoti filiali matbuot xizmati xabar berdi.

Yakkasaroy tumanidagi «Damariq» mahallasida hamda Mirobod tumanining Kichik Beshyog'och hududida soat 10:00 dan 15:00 gacha gaz bo'lmaydi. Bektemir tumanidagi «Ustozlar» mahallasida esa cheklovlar soat 11:00 dan 16:00 gacha davom etadi.

Mirzo Ulug'bek tumanining «Podshobog'» mahallasida istiqomat qiluvchi iste'molchilar uchun gaz ta'minoti soat 10:00 dan 18:00 gacha to'xtatiladi. Ta'mirlash ishlari yakunlangach, tabiiy gaz yetkazib berish qayta tiklanishi ma'lum qilingan.