10-noyabr, 2025-yilda Samarqandda, Registon maydonida xalqaro xayriya yugurishi — Samarqand Marafoni–2025 bo'lib o'tdi. Tadbir YuNESKOning 43-Bosh konferensiyasi doirasida tashkil etilib, dunyoning turli burchaklaridan minglab ishtirokchilarni birlashtirdi.
Marafon startida 53 mamlakatdan 8 mingdan ortiq yuguruvchi qatnashdi. Ishtirokchilarga 5, 10, 21,1 va 42,2 kilometr masofalar taklif etildi.
Asosiy marafonning sovrin jamg'armasi 75 million so'mni tashkil etdi: birinchi o'rin egalariga 30 million so'm, ikkinchi o'ringa 25 million so'm, uchinchi o'ringa esa 20 million so'm berildi. 42,2 kilometr masofada erkaklar o'rtasida mutlaq g'olib Surxondaryolik Shohruh Davlatov bo'ldi, ayollar o'rtasida esa birinchi o'rinni keniyalik Jasinta Chepkoyech egalladi.
Yarim marafon masofasida rossiyalik Rinas Ahmadiev va Sofya Kameneva g'olib bo'ldi. 10 kilometr yugurishda yaponiyalik Yuta Shitara va rossiyalik Anastasiya Slichenkova yetakchi bo'ldi.
Eng qisqa masofa bo'lgan 5 kilometrda esa o'zbekistonlik Alisher Ahmedullayev va Darya Andropova birinchi o'rinni egallashdi.
