21:50 / 25.11.2015
5 281

Jomboylik fermer o‘ziga ajratilgan erni boshqa fuqarolar egallab olgani uchun g‘alla ekishga kechikdi

Jomboylik fermer o‘ziga ajratilgan erni boshqa fuqarolar egallab olgani uchun g‘alla ekishga kechikdi

Samarqand viloyati Jomboy tumani hokimligidan 2016 yilgi g‘alla ekini uchun 5,5 gektar qo‘shimcha er olgan «Elbek Boshmonov» fermer xo‘jaligi g‘alla ekishga kechikdi, deya xabar bermoqda «Zarafshon» gazetasi.

Mazkur er maydoni o‘rnida ilgari tokzor bo‘lgan. Tuman hokimining qarori bilan samarasiz foydalanib kelingan xususiy bog‘ va tok maydonlari tuman zaxira erlariga qaytarib olingan va g‘alla ekini uchun «Elbek Boshmonov» fermer xo‘jaligiga berilgan.

«Ammo bu erni fuqarolar o‘zboshimchalik bilan tomorqaga aylantirib olib, loviya, kartoshka va boshqa ekinlar ekkan. Fermer bir necha marta ogohlantirib, natijaga erisholmagach, tegishli tashkilotlarga arz qilgan», — deydi Adliya vazirligi huzuridagi yuristlar malakasini oshirish markazi tinglovchisi Mizrob Bahriev.

Xabar berishlaricha, bu ish Fuqarolik ishlari bo‘yicha Jomboy tumanlararo sudida ko‘rib chiqilib, fermer xo‘jaligi foydasiga hal etilgan. «Ammo fermerning hosili kechikadigan bo‘ldi», — deb yozadi gazeta.

Fuqarolar tomonidan ekilgan ekinlar taqdiri qanday kechgani, erni tomorqaga aylantirgan fuqarolarga qanday chora ko‘rilganiga gazeta xabarida aniqlik kiritilmagan.


Manba: Daryo.uz


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » O‘zbekiston » Jomboylik fermer o‘ziga ajratilgan erni boshqa fuqarolar egallab olgani uchun g‘alla ekishga kechikdi
[/banner_pushhouse