25-oktabr, 2025-yil, Bahraynda o‘tkazilayotgan III Osiyo o‘smirlar o‘yinlarida O‘zbekiston sportchilari muvaffaqiyatli ishtirokni davom ettirmoqda. Mamlakat vakillari aralash jang san’ati, yengil atletika va taekvondo WT bo‘yicha turli darajadagi yangi medallarni qo‘lga kiritishdi.
O‘zbekiston terma jamoasi aralash jang san’ati dasturida o‘zining ilk oltin medalini qo‘lga kiritdi. 50 kilogrammgacha bo‘lgan vazn toifasida Avaz Anvarov Qozog‘iston vakili Sanjar Imang‘aliga qarshi kurashda g‘alaba qozonib, III Osiyo o‘smirlar o‘yinlari chempioniga aylandi va mamlakat hisobiga oltin medalni olib keldi.
Shuningdek, aralash jang san’atlari dasturida 55 kilogrammgacha bo‘lgan vazn toifasida Ibrohim Botirov finalga chiqdi, biroq tojikistonlik raqibiga yutqazdi. Shunga qaramay, Botirov yuqori tayyorgarlik darajasini namoyish etib, kumush medalni qo‘lga kiritdi.
Taekvondo WT bo‘yicha ham o‘zbekistonlik sportchilar muvaffaqiyatli ishtirok etdi. 73 kilogrammgacha bo‘lgan vazn toifasida Ahadjon Muxtorov Qozog‘iston vakilini mag‘lub etib, chempionlikni qo‘lga kiritdi.
Bundan tashqari, 55 kilogrammgacha bo‘lgan vazn toifasida Ruxshanaxon Ravshanova xitoylik raqib ustidan ishonchli g‘alaba qozonib, oltin medalni qo‘lga kiritdi. Aralash jang san’atlari dasturida Kamronbek Qodirov (65 kg) va Abdulboriy Abdug‘afurov (70 kg) yarim finalda raqiblariga yutqazishdi, ammo bronza medallarini qo‘lga kiritishdi.
Yengil atletika bo‘yicha Shodiyona Rahmonova yana sovrinli o‘rin egasi bo‘ldi. 400 metr to‘siqli yugurishda u uchinchi o‘rinni egallab, bronza medalini qo‘lga kiritdi.
U avvalroq 100 metr yugurishda ham bronza medalni qo‘lga kiritgan, bu esa uni terma jamoaning eng sermahsul sportchilaridan biriga aylantirdi. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
