A Seriyaning 17-tur markaziy bahsida «Inter» safarda «Atalanta» ustidan minimal hisobda gʻalaba qozondi. Bergamodagi uchrashuv 1:0 bilan yakunlandi.
Birinchi bo‘limda milanliklar to‘p nazoratida ustunlik qildi: «Inter» o‘yin ritmini ko‘proq boshqardi va raqib jarima maydoniga tez-tez yaqinlashdi. Biroq tanaffusgacha hisobni ochishning iloji bo‘lmadi — mezbonlar darvozasi tomon kiritilgan gollardan biri VAR tekshiruvidan so‘ng ofsayd sabab bekor qilindi.
Ikkinchi taymda sur’at oshdi, «neradzurrilar» yanada dadilroq harakat qila boshladi va pressingni kuchaytirdi. 66-daqiqada bosim samara berdi: Djimsiti uzatmada xatoga yo‘l qo‘ydi, Esposito to‘pni ilib ketdi va Lautaro Martinesni qulay vaziyatga chiqardi. Mehmonlar sardori imkoniyatdan unumli foydalanib, yagona gol muallifiga aylandi.
O‘tkazib yuborilgan gol «Atalanta»ni oldinga faolroq tashlanishga majbur qildi. Mezbonlar jarima maydoniga ko‘proq to‘p oshirdi, qanotlardan hujumlarni kuchaytirishga urindi, ammo «Inter» himoyasi ishonchli o‘ynab, hisob tenglashishiga yo‘l qo‘ymadi.
Uchrashuv oxirida milanliklar tempni pasaytirib, to‘pni nazorat qilish orqali o‘yinni yakuniga yetkazdi. «Atalanta» Zommer darvozasi oldida chinakam xavfli vaziyatlar yaratishga erisha olmadi.
Atalanta — Inter 0:1
28 dekabr, «Atleti Adzurri d’Italiya»
Gol: Martines (65).
Atalanta — Karnezekki, Jimsiti, Hin, Kolashinas (Samarjich, 75), Zappakosta (Musa, 46), de Ron, Ederson, Zalevski (Bernaskoni, 65), de Ketelare, Pashalich (Sulemana, 58), Skamakka.
Inter — Zommer, Bissek, Akanji, Bastoni, Enrike, Barella (Mxitaryan, 76), Chalxono‘g‘li, Zelinski (Frattezi, 83), Dimarko (Augusto, 76), Tyuram (Espozito, 64), Martines (Diuf, 83).
Ogohlantirishlar: Bastoni (77), Sulemana (80).
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
