Germaniya Bundesligasining 19-turida «San'kt-Pauli» o'z maydonida «RB Leyptsig»ni qabul qildi va bahs 1:1 hisobida yakunlandi. Bu haqda euro-football.ru xabar beradi.
Uchrashuv boshida mehmonlar tezda hisobni ochishga yaqin kelishdi: 8-daqiqada Ksaver Shlagerning zarbasi ustunga tegib maydon tashqarisiga chiqib ketdi. «San'kt-Pauli» ham imkoniyat topdi — Riki-Jeyd Jons jarima maydonida nazoratsiz qolib zarbasini darvozaga to'g'ri yo'llay olmadi, qolaversa u ofsaydda ham edi. Birinchi bo'lim oxirida esa Yan Diomand uzatmasidan keyin Antonio Nusa zarba berdi, biroq darvozabon vaziyatni bartaraf etdi.
66-daqiqada «RB Leyptsig»ning burchakdan uzatmasi muvaffaqiyatsiz chiqqandek ko'rindi, ammo hujum davom etdi va Diomand rikoshet yordamida to'pni tarmoqqa joyladi — 0:1. Qo'shib berilgan daqiqalarda David Raum jarima maydonida Marteyn Karsga qarshi qoida buzdi va hakam penalti belgiladi. 11 metrlik zarbani Kars aniq ijro etdi: darvozabon yo'nalishni topgan bo'lsa-da, to'pni qaytara olmadi — 1:1.
Durangdan so'ng «buqalar» turnir jadvalida 4-o'ringa ko'tarildi, «San'kt-Pauli» esa quyi pog'onalarda — oxirdan ikkinchi o'rinda qolmoqda.
“Zamin”ni Telegramʻda oʻqing!
