"Inter Mayami" 3 gol ustunligini yo'qotib, "Orlando"ga yutqazdi
"Inter Mayami" "Orlando Siti"ga qarshi o'yinda 3:0 hisobida oldinda bo'lganiga qaramay, 4:3 hisobida mag'lub bo'ldi. Lionel Messi bu natijani keskin tanqid qilib, jamoaning kelgusi o'yinlarda bunday xatolarga yo'l qo'ymasligini ta'kidlagan. O'yin davomida Messi 33-daqiqada gol urgan, ammo oxirgi daqiqalarda raqibning hetrik va goli "Inter Mayami"ning mag'lubiyatiga olib keldi. Hozirda jamoa Sharqiy konferensiyada uchinchi o'rinda bo'lib, 9 may kuni "Toronto"ga qarshi o'yin o'tkazadi.
Lionel Messi "Inter Mayami"ning "Orlando Siti"ga qarshi o'yindagi 4:3 hisobidagi mag'lubiyatini keskin tanqid qildi. Jamoa o'z maydonida uchta gol farqi bilan oldinda borayotganiga qaramay, yakunda imkoniyatni boy berdi. Bu haqda Goal.com xabar beradi.
Uchrashuvning 33-daqiqasida Messi gol urib, hisobni 3:0 ko'rinishiga keltirgan edi. Biroq, Martin Ojedaning xet-trigi va 93-daqiqada Tayres Spayserning goli mehmonlarga g'alaba keltirdi.
Bu natija amaldagi chempionlarning o'z maydonidagi g'alabasiz seriyasini to'rtta o'yinga yetkazdi.
O'yindan so'ng jamoa sardori kiyinish xonasida futbolchilarga yuzlandi. Himoyachi Yan Frayning so'zlariga ko'ra, Messi bu holatni qabul qilib bo'lmaydigan deb atagan va kelgusi o'yinlarda bunday xatolarga yo'l qo'ymaslikni talab qilgan.
Hozirda Sharqiy konferensiyada uchinchi o'rinni egallab turgan "Inter Mayami" 9 may kuni "Toronto"ga qarshi safar o'yinini o'tkazadi. Jamoa pley-off yo'llanmasi uchun kurashda o'z himoyasidagi muammolarni hal qilishi zarur.
Izohlar 0
…