Muhammad Salah "Liverpul" muxlislarini sobiq sardor Jordan Henderson "Enfild"ga qaytganida uni munosib kutib olishga chaqirdi. Misrlik hujumchining fikricha, Hendersonning 2023-yildagi kutilmagan ketishi unga to'g'ri xayrlashish imkonini bermagan. Bu haqda Goal.com xabar beradi.
Henderson "Liverpul"ning mavsumdagi so'nggi o'yinida "Brentford" tarkibida maydonga tushishi kutilmoqda. U Saudiya Arabistoniga tezkor transfer qilingani sababli muxlislar bilan rasman xayrlasha olmagan edi.
Salah sobiq sardorning klubdagi o'rni beqiyos ekanligini ta'kidladi. Uning so'zlariga ko'ra, Henderson 12 yil davomida jamoa sardori bo'lib, ko'plab yutuqlarga hissa qo'shgan.
"U o'zi munosib bo'lgan xayrlashuvni olmadi, chunki darhol ketdi. Muxlislar u uchun o'zgacha bir narsa qilishiga umid qilaman", dedi Salah.
Hendersonning o'zi ham klubdan ketishini juda og'ir qabul qilganini aytib o'tgan.
“Zamin”ni Telegramʻda oʻqing!
