A Seriyasining 24-turida «Bolonya» o'z maydonida «Parma»ni qabul qildi. Uchrashuv mezbonlar uchun og'ir kechdi: jamoa deyarli bir yarim taym davomida 10 kishi bo'lib o'ynadi. Shunga qaramay, «Bolonya» raqib darvozasiga 8 bor zarba yo'lladi, ulardan faqat bittasi aniq chiqdi. «Parma» esa son jihatdan ustun bo'lsa-da, hujumlarda sust ko'rinib, atigi ikki marta xavfli vaziyat yaratdi. Bu haqda euro-football.ru xabar beradi.
18-daqiqada «Parma» futbolchisi Mandela Keyta jarima maydoni atrofida yiqitildi. Epizoddan so'ng «Bolonya» yarim himoyachisi Tommazzo Pobega avval ogohlantirildi, biroq VAR tekshiruvidan keyin hakam qarorni o'zgartirib, futbolchini maydondan chetlatdi.
69-daqiqada to'p «Bolonya» darvozasidan joy olgandek bo'ldi — u himoyachi Santyago Kastroga tegib, darvozaga kirib ketdi. Ammo uzoq davom etgan tekshiruv yakunida gol bekor qilindi: ofsayd qayd etildi. 79-daqiqada esa «Parma» ham 10 kishi bo'lib qoldi — Mariano Troylo ikkinchi sariq kartochkasini olib, maydonni tark etdi.
O'yinga qo'shib berilgan daqiqalarda «Parma» g'alaba golini urdi: Kristian Ordonyez uzoq masofadan kuchli zarba bilan to'pni to'rga joyladi — 0:1. Shu tariqa «Bolonya» ketma-ket to'rtinchi mag'lubiyatini qabul qilib, turnir jadvalida 10-o'rinda qoldi. «Parma» esa 14-pog'onada bormoqda.
“Zamin”ni Telegramʻda oʻqing!
