Turkiyaning “Kayserispor” klubida to‘p surayotgan rossiyalik yarim himoyachi Denis Makarov noma’lum muddatga jamoaga yordam bera olmaydi. Klub matbuot xizmati futbolchining jarohat olganini ma’lum qildi. Bu haqda euro-football.ru xabar beradi.
Xabarga ko‘ra, tibbiy ko‘rik yakunida Makarovning o‘ng sonining yuqori qismidagi mushaklar guruhida yengil shikastlanish hamda shish aniqlangan. Ayni paytda davolanish jarayoni davom etmoqda.
Makarov “Kayserispor” safidagi ilk uchrashuvini 3 fevral kuni “Galatasaray”ga qarshi o‘yinda o‘tkazgandi. Bellashuv 0:4 hisobida yakunlangan, klub esa turnir jadvalida 17-o‘rinda bormoqda va quyi ligaga tushib ketmaslik uchun kurashmoqda. Futbolchi avvalroq Moskvaning “Dinamo” jamoasida o‘ynagan va klubni erkin agent sifatida tark etgan.
“Zamin”ni Telegramʻda oʻqing!
