Myunxenning «Bavariya» klubi hujumchisi Garri Keyn jamoani mavsumning hal qiluvchi pallasi kutayotganini aytib, yaqin haftalardagi vazifalar haqida fikr bildirdi. Myunxenliklar ayni paytda uchta turnirda kurash olib bormoqda. Bu haqda euro-football.ru xabar beradi.
Keynning ta’kidlashicha, Bundesligada ikkinchi o‘rindagi raqibdan ancha oldinda bo‘lishsa-da, bu ustunlik barqaror emas. «Hal qiluvchi bosqichga kiryapmiz. Ikkinchi o‘rindan yaxshi farq bor, lekin o‘tgan haftada ko‘rganimizdek, u juda tez qisqarib ketishi mumkin», — dedi u klubning rasmiy saytiga.
Hujumchi mavsum boshidan jamoa fevral–mart oylariga tarkibdagi jiddiy jarohatlarsiz va yuqori o‘rinlarda kirib kelishni maqsad qilganini eslatdi. «Hozir ham turnir jadvalida peshqadammiz, Germaniya Kubogida kurashyapmiz va Chempionlar ligasida chorak finalga chiqdik. Bu biz uchun ijobiy holat. Endi mavsum aslida boshlanyapti: mehnatni davom ettirishimiz va bizni kim quvib yetishi mumkinligini ko‘rishimiz kerak», — dedi Keyn.
Hozirda «Bavariya» hisobida 54 ochko bor. Dortmundning «Borussiya»si 48 ochko jamg‘argan. Keyn esa Bundesliganing eng yaxshi to‘purarlari poygasida 24 gol bilan yetakchilik qilmoqda.
“Zamin”ni Telegramʻda oʻqing!
