Sloveniya yarim himoyachisi Kevin Uampl oilaviy sabablarga ko'ra futbolchilik faoliyatini yakunlaganidan so'ng, «RB Leyptsig»dagi davriga oid e'tiborga molik voqeani eslab o'tdi. Uning aytishicha, bosh murabbiy Ralf Rangnik rafiqasi tug'ruq arafasida bo'lishiga qaramay, uni o'yinga chiqishga majbur qilgan. Bu haqda euro-football.ru xabar beradi.
Uamplning so'zlariga ko'ra, Rangnik unga: «Ortingdan samolyot yuboraman, bu uchrashuvda o'ynashing shart», degan.
Gap «Volfsburg»ga qarshi bahs haqida ketgan — o'sha o'yinda Rangnik jamoasi 4:0 hisobida g'alaba qozongan. Uchrashuvdan keyin esa futbolchi yanada hayratda qolgan: Rangnik jurnalistlar bilan suhbatda go'yo Uamplning o'zi har qanday holatda ham maydonga tushishni juda istaganini aytgan, aslida esa vaziyat buning teskarisi bo'lgan.
“Zamin”ni Telegramʻda oʻqing!
