«Antalyaspor» himoyachisi Georgiy Jikiya Turkiyadagi faoliyati qanday ketayotgani borasidagi savollarga javob berdi. 32 yoshli futbolchining qisqa izohi «FNL s Ilyovym» telegram-kanali e’lon qilgan videoda paydo bo‘ldi. Bu haqda euro-football.ru xabar beradi.
Jikiyadan klubdagi ahvoli so‘ralganda, u hammasi joyida ekanini aytdi. Keyingi savolda Turkiyada hammasi ko‘ngildagidekmi, degan savolga esa u jilmaygan holda «hammasi yoqayapti» deya javob qaytardi.
Jikiya «Antalyaspor» safiga o‘tgan yil yozida qo‘shilgandi. Shundan beri u jamoa tarkibida 13 uchrashuvda maydonga tushib, 2 ta gol urdi.
Hozir «Antalyaspor» Turkiya Superligasi turnir jadvalida 14-o‘rinda bormoqda. Jamoaning navbatdagi bahsi 13-fevral kuni o‘z maydonida «Samsunspor»ga qarshi bo‘lib o‘tadi.
“Zamin”ni Telegramʻda oʻqing!
