Jikiya Turkiyadagi holati haqida qisqacha izoh berdi

«Antalyaspor» himoyachisi Georgiy Jikiya Turkiya klubidagi hozirgi ahvoli yuzasidan savollarga javob qaytardi. 32 yoshli futbolchining fikrlari aks etgan video «FNL s Ilyovym» telegram-kanalida e’lon qilindi. Bu haqda euro-football.ru xabar beradi.

Jikiyadan «Antalyaspor»dagi ishlar qanday ketayotgani so‘ralganda, u «Hammasi yaxshi, rahmat» deya javob berdi. Turkiyadagi sharoitlar haqida savolga esa futbolchi tabassum bilan «Hammasi ko‘ngildagidek» dedi.

Jikiya «Antalyaspor» safiga o‘tgan yozda qo‘shilgandi. Shu vaqt ichida u 13 o‘yinda maydonga tushib, ikki gol urishga ham ulgurdi.

Hozir «Antalyaspor» Turkiya Superligasi jadvalida 14-o‘rinda bormoqda. Jamoa navbatdagi uchrashuvini 13 fevral kuni o‘z maydonida «Samsunspor»ga qarshi o‘tkazadi.

«ZAMIN.UZ» muharriri