Krishtianu Ronaldu va uning rafiqasi Jorjina Rodriges oilaviy lahzani ijtimoiy tarmoqlarda namoyish qildi. Jorjina joylagan suratda portugaliyalik hujumchi sport zalida gantel bilan shugʻullanayotgani aks etgan. Bu haqda euro-football.ru xabar beradi.
Kadrda 41 yoshli futbolchi yonida qizlaridan biri ham bor: u ham qoʻlida gantel ushlab turibdi, faqat kichikroq va pushti rangdagi anjomlar bilan mashq qilmoqda. Suratga Jorjina qisqa izoh qoldirgan: «Dada».
Avvalroq Jorjina Ronaldu tugʻilgan kuni munosabati bilan tabrik postini ham eʼlon qilgandi. Qizigʻi, u tabrikni futbolchi 41 yoshga toʻlganidan keyingi kuni joylashtirgan.
Shu bilan birga, Ronaldu «Al-Nasr»ning soʻnggi bir nechta uchrashuvlarida maydonga tushmadi. OAVda esa portugaliyalik futbolchi klub boshqaruvidagi ayrim qarorlardan norozi boʻlgani uchun oʻyinlarni boykot qilayotgani haqida mish-mishlar tarqaldi.
“Zamin”ni Telegramʻda oʻqing!
