Криштиану Роналду ва унинг рафиқаси Жоржина Родригес оилавий лаҳзани ижтимоий тармоқларда намойиш қилди. Жоржина жойлаган суратда португалиялик ҳужумчи спорт залида гантел билан шуғулланаётгани акс этган. Бу ҳақда euro-football.ru хабар беради.
Кадрда 41 ёшли футболчи ёнида қизларидан бири ҳам бор: у ҳам қўлида гантел ушлаб турибди, фақат кичикроқ ва пушти рангдаги анжомлар билан машқ қилмоқда. Суратга Жоржина қисқа изоҳ қолдирган: «Дада».
Аввалроқ Жоржина Роналду туғилган куни муносабати билан табрик постини ҳам эълон қилганди. Қизиғи, у табрикни футболчи 41 ёшга тўлганидан кейинги куни жойлаштирган.
Шу билан бирга, Роналду «Ал-Наср»нинг сўнгги бир нечта учрашувларида майдонга тушмади. ОАВда эса португалиялик футболчи клуб бошқарувидаги айрим қарорлардан норози бўлгани учун ўйинларни бойкот қилаётгани ҳақида миш-мишлар тарқалди.
“Zamin”ни Telegram'да ўқинг!
