Argentina giganti «Boka Xuniors» sport direktorligi lavozimiga Marselo Delgadoni tayinlaganini e’lon qildi. Klub rahbariyati u prezident Xuan Rikelme bilan yaqin hamkorlikda ishlashini ta’kidladi. Bu haqda euro-football.ru xabar beradi.
«Boka» tarkibni tez fursatda kuchaytirishga muhtoj, shu bois Delgadoning asosiy vazifalaridan biri transfer masalalarini jadallashtirish va jamoani qisqa muddatda mustahkamlash bo‘ladi.
Delgado futbolchilik faoliyatida ham salmoqli iz qoldirgan: u 1995–2002 yillarda Argentina terma jamoasida 18 uchrashuvda maydonga tushgan va 1998 yilgi jahon chempionati bahslarida ham ishtirok etgan.
Shuningdek, 2003 yilda u Libertadores kubogining eng yaxshi to‘purari bo‘lgan — bu natijani «Santos» hujumchisi braziliyalik Rikardo Oliveyra bilan bo‘lishib olgan.
“Zamin”ni Telegramʻda oʻqing!
