Madridning “Real” klubi darvozaboni Tibo Kurtua Chempionlar ligasida “Benfika”ga qarshi bo'ladigan to'qnashuv oldidan o'z fikrlari bilan o'rtoqlashdi. Bu haqda euro-football.ru xabar beradi.
Jamoalar umumiy bosqichning so'nggi turida ham uchrashgan, o'sha bahs “qaymoqranglilar” uchun omadsiz yakunlangan edi: 2:4 hisobidagi mag'lubiyat sabab ispaniyalik grand 1/8 finalga to'g'ridan-to'g'ri yo'llanmadan quruq qolgan. Endi esa Alvaro Arbeloa boshchiligidagi jamoa pley-offdagi stykov raundda yana “burgutlar” bilan ro'baro' keladi.
“Lissabondagi o'yin juda og'ir o'tgandi. Bu stadionda g'alaba qozonish qiyin, o'sha kuni biz eng yaxshi o'yinimizni ko'rsata olmaganimizni bilaman. Lekin bundan xulosa chiqardik. Bu safar hammasi boshqacha bo'ladi, chunki oldinda “Bernabeu”da javob uchrashuvi borligini tushunib turibmiz”, — dedi Kurtua.
Birinchi uchrashuv 17-fevral kuni Lissabonda, javob o'yini esa 25-fevral kuni Madridda bo'lib o'tadi.
“Zamin”ni Telegramʻda oʻqing!
