Rossiyalik himoyachi, hozirda Antalyaspor safida to'p surayotgan Georgiy Dzhikiyaning kelajagi borasida uning agenti Malik Arutyunov fikr bildirdi. Bu haqda euro-football.ru xabar beradi.
Agentning aytishicha, futbolchi maoshlar kechiktirilayotgani tufayli norozi va shu sabab Rossiya Premyer-ligasi klublaridan takliflarni ko'rib chiqmoqda. Ta'kidlanishicha, to'lovlar noyabr oyidan beri ushlanib kelmoqda, aks holda Dzhikiya Turkiyadagi sharoitlardan mamnun.
32 yoshli himoyachi Antalyaspor safiga o'tgan yil yozida kelib qo'shilgan va turk klubi bilan ikki yillik shartnoma imzolagan.
Joriy mavsum Turkiya Superligasida Dzhikiya 12 uchrashuvda maydonga tushdi. U ikki gol urishga ham muvaffaq bo'ldi hamda uch bor sariq kartochka oldi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
