Rossiya Davlat dumasi deputati Dmitriy Svishchyov Ukraina futbol assotsiatsiyasi rahbari Andrey Shevchenkoning FIFA prezidenti Janni Infantino bilan uchrashuviga munosabat bildirdi. Suhbat Rossiyaning xalqaro futbol maydoniga qaytishi masalasi atrofida bo'lgani aytildi. Bu haqda euro-football.ru xabar beradi.
Avvalroq Infantino Rossiyaga nisbatan qo'llanilgan cheklovlarni bekor qilish vaqti kelganini, chunki ular amalda kutilgan natija bermayotganini ta'kidlagan. Shunga javoban Shevchenko Infantino bilan shaxsan ko'rishib, Ukrainening pozitsiyasini yana bir bor yetkazishini ma'lum qilgan.
Svishchyovning so'zlariga ko'ra, Shevchenko futbolchi sifatida juda yuqori darajada bo'lgan va Rossiyada hanuz uni qadrlaydiganlar ko'p. Deputat Shevchenkoning siyosiy provokatsiyalarga berilayotgani achinarli ekanini ham qo'shimcha qilgan.
Shuningdek, u Shevchenkoning Infantino bilan uchrashuvi FIFA qaroriga jiddiy ta'sir ko'rsatishi qiyinligini, agar tegishli masala bo'yicha qarorlar allaqachon yuqori darajada shakllantirilgan bo'lsa, vaziyat o'zgarmasligini bildirdi.
“Zamin”ni Telegramʻda oʻqing!
