Россия Давлат думаси депутати Дмитрий Свищёв Украина футбол ассосиацияси раҳбари Андрей Шевченконинг FIFA президенти Жанни Инфантино билан учрашувига муносабат билдирди. Суҳбат Россиянинг халқаро футбол майдонига қайтиши масаласи атрофида бўлгани айтилди. Бу ҳақда euro-football.ru хабар беради.
Аввалроқ Инфантино Россияга нисбатан қўлланилган чекловларни бекор қилиш вақти келганини, чунки улар амалда кутилган натижа бермаётганини таъкидлаган. Шунга жавобан Шевченко Инфантино билан шахсан кўришиб, Украинанинг позициясини яна бир бор етказишини маълум қилган.
Свищёвнинг сўзларига кўра, Шевченко футболчи сифатида жуда юқори даражада бўлган ва Россияда ҳануз уни қадрлайдиганлар кўп. Депутат Шевченконинг сиёсий провокацияларга берилаётгани ачинарли эканини ҳам қўшимча қилган.
Шунингдек, у Шевченконинг Инфантино билан учрашуви FIFA қарорига жиддий таъсир кўрсатиши қийинлигини, агар тегишли масала бўйича қарорлар аллақачон юқори даражада шакллантирилган бўлса, вазият ўзгармаслигини билдирди.
“Zamin”ни Telegram'да ўқинг!
