«Al-Nasr» bosh murabbiyi Zhorzhe Jezush Krishtianu Ronaldu nega yaqinlashib kelayotgan uchrashuvda maydonga tushmasligini izohladi. Bu haqda euro-football.ru xabar beradi.
Chorshanba kuni Ar-Riyod jamoasi OFK Chempionlar ligasi doirasida «Arkadag»ga qarshi o‘ynaydi. Portugaliyalik yulduz hujumchi boykotdan keyin tez orada safga qaytishi kutilayotgandi, biroq bu bahsda ham u ro‘yxatda bo‘lmaydi.
Jezushning so‘zlariga ko‘ra, tig‘iz taqvim sabab Ronaldo va asosiy tarkibdagi yana bir nechta futbolchiga dam berish haqida qaror qabul qilingan. Murabbiy «Al-Fateh»ga qarshi muhim o‘yin oldidan kuchni tejash zarurligini ta’kidladi.
Al Nassr Zone keltirgan iqtibosda aytilishicha, Ronalduning safardan tashqari o‘yinlarni o‘tkazib yuborishi yangilik emas — bu uning Saudiya Arabistonidan tashqarida o‘tadigan bahslarda ilk bor maydonga tushmay qolishi emas.
Saudiya chempionatidagi «Al-Fateh» — «Al-Nasr» uchrashuvi shanba kuni, 14-fevralda bo‘lib o‘tadi.
“Zamin”ni Telegramʻda oʻqing!
