«Al-Nasr» bosh murabbiyi Zhorzhe Jezush Krishtianu Ronaldu nega yaqinlashib kelayotgan uchrashuvda maydonga tushmasligini izohladi. Bu haqda euro-football.ru xabar beradi.
Ar-Riyod jamoasi chorshanba kuni OFK Chempionlar ligasi doirasida «Arkadag»ga qarshi bahs olib boradi. Portugaliyalik yulduz hujumchi tez orada jamoaga qaytishi kutilayotgan bo'lsa-da, bu o'yinda ham u ro'yxatdan joy olmaydi.
Jezushning aytishicha, murabbiylar shtabi zich taqvim sabab Ronaldu va asosiy tarkibdagi yana bir nechta futbolchiga dam berishni ma'qul ko'rgan. Bunga sabab — oldinda «Al-Fateh»ga qarshi muhim uchrashuv bor.
Mutaxassis «Al Nassr Zone»ga bergan fikrida Ronalduning dam olishi yangilik emasligini ham ta'kidladi: avval ham u Saudiya Arabistoni tashqarisida o'tadigan ayrim o'yinlarda ishtirok etmagan.
Saudiya chempionatidagi «Al-Fateh» — «Al-Nasr» bahsi shanba, 14 fevral kuni bo'lib o'tadi.
“Zamin”ni Telegramʻda oʻqing!
