Avvalroq «Ufa», «Rotor» va yana bir qator klublarda to‘p surgan himoyachi Aleksey Nikitin «Milan»ning so‘nggi natijalari haqida fikr bildirdi. Jamoa 18-fevral kuni «Como» bilan 1:1 hisobida durang o‘ynagan bo‘lsa-da, turnir jadvalining yuqori qismida qolishda davom etmoqda. Bu haqda euro-football.ru xabar beradi.
Nikitinning ta’kidlashicha, hozirgi «Milan» o‘yin ko‘rinishi jihatidan g‘alaba va ochkolarni muntazam olayotganiga qaramay, raqiblardan keskin ustun ko‘rinmaydi. U «Inter»ni misol qilib keltirib, «Milan» ko‘pincha maydonda hukmronlik qilmasligini, gollar esa ularga ancha qiyinchilik bilan kelayotganini qayd etdi.
Ayni paytda «Milan» A Seriya turnir jadvalida ikkinchi o‘rinni egallab turibdi. Massimiliano Allegri boshchiligidagi jamoa 25 o‘yindan keyin 54 ochko jamg‘argan.
“Zamin”ni Telegramʻda oʻqing!
