Hujumchi Viktor Osimhen hozircha Galatasaraydagi hayotidan mamnun va klubini almashtirish zarurati borligini sezmayapti. Nigeriyalik forvard jamoa muhitini ham, o'yin uslubini ham yoqtirayotgani aytiladi. Bu haqda euro-football.ru xabar beradi.
Shu bilan birga, The Touchline xabariga ko'ra, yozgi transfer oynasi arafasida bir nechta top-klublar Osimhenga qiziqish bildirishni rejalashtirmoqda. Hozircha esa aniq takliflar, rasmiy aloqalar yoki muzokaralar yo'q.
Manbada ehtimoliy kelishuvning taqdiri ko'p jihatdan futbolchining o'zi qabul qiladigan qarorga bog'liq ekani ham ta'kidlanadi.
Osimhen Galatasaray safida 64 ta rasmiy o'yinda maydonga tushib, 52 gol urdi va 13 ta golli uzatma muallifi bo'ldi.
Transfermarkt portali 27 yoshli hujumchini 75 million yevroga baholamoqda.
“Zamin”ni Telegramʻda oʻqing!
