Hujumchi Viktor Osimhen hozircha «Galatasaray»da o'zini to'liq baxtli sezmoqda va klubini o'zgartirish zarurati bor deb hisoblamaydi. Nigeriyalik futbolchiga jamoa muhiti va o'yin uslubi ma'qul. Bu haqda euro-football.ru xabar beradi.
Shunga qaramay, The Touchline xabariga ko'ra, yozgi transfer oynasi yaqinlashar ekan, bir nechta top-klublar Osimhenga qiziqish bildirishni ko'zlamoqda. Hozircha aniq takliflar, rasmiy aloqalar yoki muzokaralar boshlanganicha yo'q.
Manbada qayd etilishicha, ehtimoliy transferning taqdiri birinchi navbatda Osimhenning shaxsiy qaroriga bog'liq bo'ladi.
Osimhen «Galatasaray» safida 64 ta rasmiy o'yinda maydonga tushib, 52 ta gol urdi va 13 ta golga assist muallifi bo'ldi.
Transfermarkt portali 27 yoshli hujumchini 75 million yevroga baholamoqda.
“Zamin”ni Telegramʻda oʻqing!
