Hujumchi Viktor Osimhen hozircha «Galatasaray»dagi holatidan mamnun va klubini o'zgartirish zarurati borligini sezmayapti. Nigeriyalik futbolchiga jamoa muhiti va tarkib yoqmoqda. Bu haqda euro-football.ru xabar beradi.
Shu bilan birga, The Touchline yozishicha, yozgi transfer oynasida bir nechta top-klub Osimhen bo'yicha vaziyatni diqqat bilan kuzatadi. Hozircha esa aniq takliflar, rasmiy aloqalar yoki muzokaralar haqida gap yo'q.
Manbada ta'kidlanishicha, ehtimoliy transfer masalasi, avvalo, Osimhenning shaxsiy qaroriga bog'liq bo'ladi.
Osimhen «Galatasaray» safida 64 ta rasmiy o'yinda maydonga tushib, 52 ta gol urdi va 13 ta golli uzatmani amalga oshirdi.
Transfermarkt portali 27 yoshli hujumchining bozor qiymatini 75 million yevroga baholamoqda.
“Zamin”ni Telegramʻda oʻqing!
