Argentina futbol assotsiatsiyasi (AFA) prezidenti Klaudio Tapia ijtimoiy badallar to'lanmagani yuzasidan ochilgan ish doirasida prokuraturaga so'roq uchun chaqirildi. Bu haqda euro-football.ru xabar beradi.
U bilan birga tashkilot g'aznachisi Pablo Tovigino ham ish bo'yicha gumondor sifatida ko'rsatilgan. Huquq-tartibot idoralari har ikkala shaxsga ham mamlakatni tark etishni taqiqladi.
So'roq 5 mart kuni bo'lib o'tishi kutilmoqda. Tergov materiallariga ko'ra, davlat g'aznasi AFA tomonidan to'lanishi lozim bo'lgan ijtimoiy badallar bo'yicha 13 million dollar yetishmovchilikni qayd etgan.
Shuningdek, Tapiaga tegishli ekani aytilayotgan, 10 gektar maydondagi va vertolyot maydonchasiga ega mulk ham tekshiruv doirasida shubha ostiga olingan.
Prokuratura alohida tarzda futbolchilarga berilgan bonus to'lovlari miqdori hamda Tapianing dunyo bo'ylab parvoz xarajatlari o'rtasidagi tafovutga ham qiziqish bildirmoqda.
“Zamin”ni Telegramʻda oʻqing!
