PSJ yarim himoyachisi Dro Fernandes Parij klubida ilk marta start tarkibida maydonga tushdi. 18 yoshli futbolchi Liga 1 doirasida «Mets»ga qarshi uchrashuvni birinchi daqiqalardan boshlab o'ynadi. Bu haqda euro-football.ru xabar beradi.
Parijliklar bahsni 3:0 hisobida yakunlab, ishonchli g'alabani qo'lga kiritdi. Yosh ispaniyalik esa 63-daqiqada zaxiraga olindi.
O'yindan keyingi suhbatda Fernandes o'zini yaxshi his qilayotganini, o'yinini asta-sekin kuchaytirib borayotganini ta'kidladi. «Bu yerga ko'proq o'ynash, ritmni topish uchun keldim. G'alaba qilganimizdan xursandman, endi ishlashda davom etish kerak», — dedi u L1+ga bergan intervyusida.
Eslatib o'tamiz, fransuz grandi Dro Fernandesni qishki transfer oynasida «Barselona»dan 8,2 million yevroga sotib olgandi.
“Zamin”ni Telegramʻda oʻqing!
