Myunxenning "Bavariya" klubi futbolchisi Jamal Musiala Chempionlar ligasida "Benfika" va Madridning "Real" jamoalari o'rtasidagi bahsda yuzaga kelgan mojaro haqida fikr bildirdi. Bu haqda euro-football.ru xabar beradi.
Uchrashuvdagi yagona gol muallifi bo'lgan Vinisius Junior o'yindan so'ng hakamga raqib qanot hujumchisi Janluka Prestianni uni irqchilik ruhida haqorat qilganini aytgan. Argentinalik futbolchi "Real" yetakchisiga qarata futbolkasi bilan og'zini berkitgan holat ham bahs-munozaralarga sabab bo'ldi, biroq Prestianni ayblovni rad etmoqda.
Musialaning ta'kidlashicha, jamoasi bosh murabbiyi bu mavzuda allaqachon muhim fikrlarni bildirgan. "Irqchilik — yoqimsiz masala. Men Viniga ishonaman, bunday vaziyatda u yolg'on gapiradi, deb o'ylamayman. U buni to'g'ri qabul qildi. Bu muammo uzoq vaqtdan beri muhokamada, buni ko'rish men uchun juda noxush", — dedi Musiala.
Javob uchrashuvi 25 fevral kuni "Real" va "Benfika" o'rtasida bo'lib o'tadi.
“Zamin”ni Telegramʻda oʻqing!
