Brentuayt Evertonga gol urishdagi aniqlikni oshirish zarur dedi

Everton o'z maydonida navbatdagi omadsizlikka uchradi: jamoa Manchester Yunaytedga minimal hisobda imkoniyatni boy berdi. Devid Moyes shogirdlari o'yinning katta qismida ustunlik qilgan bo'lsa-da, bosimni golga aylantira olmadi. Bu haqda euro-football.ru xabar beradi.

Himoyachi Jerred Brentuayt mag'lubiyatning asosiy sababini aynan yakunlashdagi sustlikda ko'rmoqda. Uning aytishicha, ikkinchi bo'limda Everton ko'proq nazorat qildi, vaziyatlar yaratdi, ammo zarbalarni aniq yakunlay olmadi.

BBC Sport keltirgan iqtibosda Brentuayt jamoa sifatida realizatsiyani oshirish ustida ishlash kerakligini ta'kidladi.

Keyingi turda Everton Nyukaslga qarshi maydonga tushadi.

Sardor Ergashev

«ZAMIN.UZ» muharriri