Osiyo Chempionlar ligasida yetti turdan so'ng «Shanghai Shenhua» pley-off yo'llanmasi uchun imkoniyatlarini boy berdi. 8-turda «Buriram United»ga qarshi bahs Leonid Slutskij jamoasi uchun turnir bilan xayrlashish oldidan so'nggi urinish bo'ldi, biroq «eshikni qarsillatib yopish» ham nasib etmadi. Bu haqda euro-football.ru xabar beradi.
Uchrashuvda tayland klubi 2:0 hisobida g'alaba qozondi. «Buriram United» birinchi bo'lim boshlaridayoq ikki bor raqib darvozasini ishg'ol qildi: 11-daqiqada Gud Kertis, 22-daqiqada esa Suphanat Mueanta gol urdi. Ko'p o'tmay «Shanghai Shenhua» bir kishi kam bo'lib qoldi va bu holat o'yindagi intrigani amalda tugatdi.
Ma'lumot uchun, Leonid Slutskijning «Shanghai Shenhua» bilan amaldagi shartnomasi 2027 yil oxirigacha mo'ljallangan.
“Zamin”ni Telegramʻda oʻqing!
