«Inter»ning chap qanot himoyachisi Federiko Dimarko jamoa Chempionlar ligasidagi ishtirokini yakunlaganidan keyin oldiga qo'ygan maqsadlari haqida gapirdi. Bu haqda euro-football.ru xabar beradi.
«Neradzurri» eng nufuzli Yevropa musobaqasida pley-off saralash bosqichida Norvegiyaning «Bude-Glimt» klubiga ikki o'yin natijasiga ko'ra 2:5 hisobida imkoniyatni boy berib, turnir bilan xayrlashdi.
28 yoshli futbolchi Sky Sport'ga bergan intervyusida: «Har doimgidek tinmay ishlayapman. Ba'zan mavsum omading keladi, ba'zan esa hammasi ham o'xshamaydi. Orzularim? Men skudetto yutishni va Italiya terma jamoasi bilan jahon chempionatiga chiqishni istayman. Bu shunchaki orzu emas — erishilishi shart bo'lgan maqsadlar», — dedi.
Ayni paytda «Inter» A Seriya jadvalida ishonchli peshqadam bo'lib turibdi: 26 turdan so'ng jamoa ikkinchi o'rindagi «Milan»dan 10 ochko oldinda bormoqda.
“Zamin”ni Telegramʻda oʻqing!
