Chempionlar ligasi 1/8 finaliga qur'a tashlandi va uning natijasiga ko'ra Myunxenning “Bavariya” jamoasi Bergamoning “Atalanta” klubi bilan to'qnash keladigan bo'ldi. Ikki o'yindan iborat qarama-qarshilik haqida nemis grandining darvozaboni Manuel Noyer ham o'z fikrini bildirdi. Bu haqda euro-football.ru xabar beradi.
“Ular bor imkoniyatdan maksimal darajada foydalana olishi bilan taassurot qoldiradi. Eng yaxshi kunida esa ular tog'larni ham ko'chirishi mumkin. Shu bois ilk o'yin Bergamoda o'tkazilgani yomon emas: shundan keyin biz o'zimiz qaysi darajada ekanimizni aniq bilib olamiz”, — dedi Noyer.
“Atalanta” pley-off yo'llanmasi uchun o'yinlarda Dortmundning “Borussiya”sini mag'lub etdi — ikki uchrashuv natijasi bo'yicha umumiy hisob 4:3. “Bavariya” uchun esa italiyaliklarga qarshi bahs ushbu Chempionlar ligasi mavsumidagi pley-off bosqichidagi ilk sinov bo'ladi. Umumiy bosqichda Vensan Kompani jamoasi ikkinchi o'rinni egallagan edi.
“Zamin”ni Telegramʻda oʻqing!
